سہ فریقی سیریز: نیوزی لینڈ نے جنوبی افریقہ کو 6 وکٹ سے شکست دیدی

لاہور: سہ فریقی سیریز کے دوسرے میچ میں نیوزی لینڈ نے جنوبی افریقہ کو 6 وکٹ سے شکست دے دی۔

نیوزی لینڈ نے 305 رنز کا ہدف 4 وکٹوں کے نقصان پر پورا کیا۔ کین ولیمسن نے شاندار سنچری سکور کی جبکہ ڈیون کانوئے نے ففٹی بنائی۔ جنوبی افریقہ کی جانب سے موتھوسوامی نے 2 وکٹیں لیں۔

نیوزی لینڈ سہ ملکی سیریز کے فائنل میں پہنچ گئی۔ پاکستان اور جنوبی افریقہ کے مابین کھیلے جانے میچ کی فاتح ٹیم فائنل میں نیوزی لینڈ کے ساتھ مدمقابل ہوگی۔

اس سے قبل نیوزی لینڈ کی دعوت پر پہلے بیٹنگ کرتے ہوئے جنوبی افریقہ نے 50 اوورز میں چھ وکٹوں کے نقصان پر 304 رنز بنائے تھے۔

ڈیبیو کرنے والے میتھیو بریٹزک نے شاندار 150 رنز کی اننگز کھیل کر جنوبی افریقہ کو 300 سے زائد رنز تک پہنچایا تھا۔ ان کی اننگز میں پانچ چھکے اور گیارہ چوکے شامل تھے۔

نیوزی لینڈ کے فاسٹ باؤلرز ول اورورک اور میٹ ہیری نے دو دو وکٹیں حاصل کیں، جبکہ مائیکل بریسویل نے ایک وکٹ لی۔

نیوزی لینڈ الیون

ڈیون کونوے، ول ینگ، کین ولیمسن، ڈیرل مچل، ٹام لیتھم (وکٹ)، گلین فلپس، مائیکل بریسویل، مچل سینٹنر (کپتان)، بین سیئرز، میٹ ہنری، ول اوورکے

جنوبی افریقہ الیون

ٹیمبا بووما (کپتان)، میتھیو بریٹزکے، جیسن اسمتھ، کائل ویرین (وکٹ)، ویان مولڈر، میہلالی مپونگوانا، سینوران متھوسمی، ایتھن بوش، جونیئر ڈالا، لونگی نگیڈی، تبریز شمسی